கொங்குநாடு பருப்பு

Loading...

%e0%ae%95%e0%af%8a%e0%ae%99%e0%af%8d%e0%ae%95%e0%af%81%e0%ae%a8%e0%ae%be%e0%ae%9f%e0%af%81-%e0%ae%aa%e0%ae%b0%e0%af%81%e0%ae%aa%e0%af%8d%e0%ae%aa%e0%af%81
தேவையானப் பொருட்கள்:

துவரம் பருப்பு – 1 கப்
நல்லெண்ணை – 1 டீஸ்பூன்
மஞ்சள் தூள் – 1/4 டீஸ்பூன்
தாளிக்க:
தேங்காய் எண்ணை – 2 டீஸ்பூன்
கடுகு – 1/2 டீஸ்பூன்
உளுத்தம் பருப்பு – 1 டீஸ்பூன்
சீரகம் – 1 டீஸ்பூன்
வெங்காயம் (பொடியாக நறுக்கியது) – 2 டேபிள்ஸ்பூன்
பூண்டுப்பற்கள் (சிறிய அளவு) – 5
கறிவேப்பிலை – சிறிது
உப்பு – 1/2 டீஸ்பூன் அல்லது தேவைக்கேற்றவாறு
நெய் – 4 டீஸ்பூன் (சாதத்துடன் பரிமாற)


செய்முறை:

துவரம் பருப்பைக் கழுவி, குக்கரில் போட்டு அத்துடன் ஒரு டீஸ்பூன் நல்லெண்ணை, மஞ்சள் தூள், 3 கப் தண்ணீர் சேர்த்து 3 விசில் வரும் வரை வேக விடவும். குழைய விட வேண்டாம், மிருதுவாக வெந்தால் போதும்.
ஒரு வாணலியை அடுப்பிலேற்றி, அதில் தேங்காய் எண்ணையை விட்டு, காய்ந்ததும் கடுகு போடவும். கடுகு வெடிக்க ஆரம்பித்ததும், உளுத்தம் பருப்பு மற்றும் சீரகத்தைச் சேர்க்கவும். பருப்பு சற்று சிவந்தவுடன், வெங்காயம், கறிவேப்பிலை சேர்க்கவும். பூண்டை சற்று தட்டிப் போடவும். சில வினாடிகள் வதக்கியப் பின் அதில் வேக வைத்துள்ளப் பருப்பைச் சேர்க்கவும். உப்பையும் சேர்த்துக் கிளறி கொதிக்க விடவும். ஒரு கொதி வநததும்
இறக்கி வைக்கவும்.
சூடான சாதத்துடன், சிறிது நெய்யை விட்டு கலந்து சாப்பிடவும். தொட்டுக் கொள்ள பொரித்த அப்பளம் மற்றும் பச்சை மிளகாய் பச்சடி நன்றாக இருக்கும்.

Advertisements
Loading...
Rates : 0
Loading...
VTST BN
Loading...

Leave a Reply