சிக்கன் கீமா தோசை | Tamil Serial Today Org

சிக்கன் கீமா தோசை

சிக்கன் கீமா தோசை

தேவையான பொருட்கள் :

தோசை மாவு – 2 கப்
எண்ணெய் – சிறிதளவு
சிக்கன் – 200 கிராம்
எலுமிச்சை சாறு – 1 தேக்கரண்டி
முட்டை – 2
வெங்காயம் – 2
இஞ்சி, பூண்டு விழுது – 1 ஸ்பூன்
கறிவேப்பிலை – சிறிதளவு
கொத்தமல்லி – சிறிதளவு
ப.மிளகாய் – 3
மஞ்சள் தூள் – கால் தேக்கரண்டி
மிளகாய் தூள் – அரை தேக்கரண்டி
கரம்மசாலா தூள் – கால் தேக்கரண்டி
உப்பு – சுவைக்கு



செய்முறை :

* வெங்காயத்தை நறுக்கி கொள்ளவும்.

* சிக்கனை சுத்தமாக கழுவி அதனை மிக்சியில் போட்டு மைய அரைத்து கொள்ளவும்.

* நறுக்கிய வெங்காயத்துடன், ப.மிளகாய், இஞ்சி பூண்டு விழுது, கறிவேப்பிலை, கொத்தமல்லி சேர்த்து கொரகொரப்பாக அரைத்து கொள்ளவும்.

* கடாயில் 1 ஸ்பூன் எண்ணெய் ஊற்றி அரைத்த விழுதினை போட்டு 5 நிமிடம் வதக்கவும்.

* அத்துடன் மஞ்சள் தூள், மிளகாய் தூள், கரம்மசாலா தூளை சேர்த்து நன்றாக கிளறவும்.

* அடுத்து அதில் அரைத்த சிக்கனை போட்டு நன்றாக கிளறி வேகவைக்கவும். நன்றாக வெந்து முட்டை பொடிமாஸ் போல் வரும்.

* கடைசியாக எலுமிச்சை சாறு கலந்து ஆற வைக்கவும். இப்போது சிக்கன் கீமா ரெடி.

* ஒரு பாத்திரத்தில் முட்டையை உடைத்து ஊற்றி அதில் கீமாவை போட்டு நன்றாக அடித்து கலக்கவும்.

* தோசை கல்லை அடுப்பில் வைத்து சூடானதும் மாவை ஊற்றி தோசை சுடவும். பின்னர் அதன் மேல் கலந்து வைத்துள்ள கீமா கலவையை சிறிது ஊற்றி சுற்றி எண்ணெய் ஊற்றவும்.

* வெந்ததும் திருப்பி போட்டு மறுபக்கம் வேக வைத்து எடுக்கவும். ( தோசையை திருப்பி போடாமல் மூடி போட்டு வேகவைத்தும் செய்யலாம்)

* இப்போது சுவையான சிக்கன் கீமா தோசை ரெடி.

Loading...
Rates : 0
VTST BN