உடல் அசைவு இன்றி இருக்கும் நபரா நீங்கள்

Loading...

உடல் அசைவு இன்றி இருக்கும் நபரா நீங்கள்ஒரே இடத்தில் நீண்டநேரம் அமர்ந்திருப்போருக்கு, மாரடைப்பு வரும் வாய்ப்புகள் அதிகம் உள்ளதாக, மருத்துவர்கள் எச்சரித்துள்ளனர். அலுவலகம், வீடு என எங்கு சென்றாலும், ஒரே இடத்திலேயே நீண்டநேரம் உட்கார்ந்து, உடல் அசைவு இன்றி இருக்கும் நபரா நீங்கள்? அப்படியானால், உங்களுக்குத்தான் இந்த ஆய்வு மற்றும் அதன் முடிவுகள்.
இதுதொடர்பாக, அமெரிக்காவின் தெற்கு கரோலினாவைச் சேர்ந்த மருத்துவர்கள் குழு நடத்திய ஆய்வில், ஒரே இடத்தில் நீண்டநேரம் அசையாமல் அமர்ந்திருப்பதால், உடலின் இயக்கநிலை பாதித்து, பல்வேறு நோய்கள் ஏற்பட வாய்ப்புள்ளதாக, தெரியவந்துள்ளது.
சர்க்கரை நோய், ரத்த அழுத்தம், உடற்பருமன், மாரடைப்பு போன்றவற்றுக்கான சாத்தியக்கூறுகள், இவ்வகையான ஒரே இடத்தில் அமர்ந்து வேலை பார்க்கும் நபர்களுக்கு ஏற்படுவதாக, அமெரிக்க மருத்துவர்கள் கூறியுள்ளனர். உடலின் அசைவு பாதிப்படும்போது, அதற்கு ஒப்ப எதிர்மறை விளைவுகளை நாம் சந்திக்க நேரிடும் என்றும் அவர்கள் எச்சரித்துள்ளனர்.
வீடியோ கேம் விளையாடுவோர், டிரைவர் தொழில் செய்வோர், கணினி முன் நீண்டநேரம் செலவிடுவோர் போன்றவர்களே இவ்வகையில் அதிகம் பாதிக்கப்படக்கூடியவர்கள் என்றும் மருத்துவர்கள் குறிப்பிட்டுள்ளனர்.

Rates : 0
.
Loading...
VTST BN
Loading...

Leave a Reply