மங்களூர் பஜ்ஜி

மங்களூர் பஜ்ஜி

தேவையான பொருட்கள்:
மைதா – 1 கப் தயிர் – 1/2 கப் இஞ்சி – 1 துண்டு (நறுக்கியது) பச்சை மிளகாய் – 2 (பொடியாக நறுக்கியது) கறிவேப்பிலை – சிறிது (பொடியாக நறுக்கியது) பேக்கிங் சோடா – 1 டீஸ்பூன் தேங்காய் – 1/4 கப் (பொடியாக நறுக்கியது) உப்பு – தேவையான அளவு எண்ணெய் – தேவையான அளவு (பொரிப்பதற்கு)

செய்முறை:
முதலில் ஒரு பௌலில் மைதா, தயிர் மற்றும் தேவையான அளவு தண்ணீர் மற்றும் உப்பு சேர்த்து ஓரளவு கெட்டியாக கலந்து, 3-4 மணிநேரம் ஊற வைத்துக் கொள்ள வேண்டும். பின்னர் அதில் இஞ்சி, பச்சை மிளகாய், கறிவேப்பலை, தேங்காய் மற்றும் பேக்கிங் சோடா ஆகியவற்றை சேர்த்து நன்கு கலந்து கொள்ள வேண்டும். பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், பிசைந்து வைத்துள்ள மாவை உருண்டைகளாக பிடித்து, எண்ணெயில் போட்டு பொன்னிறமாக பொரித்து எடுக்க வேண்டும். இதேப் போன்று அனைத்து மாவையும் எண்ணெயில் போட்டு பொரித்து எடுத்து, பின் அதனை தேங்காய் சட்னியுடன் சாப்பிட்டால் மிகவும் அருமையாக இருக்கும்

Loading...
Rates : 0
VTST BN