உடலையும் மனதையும் லேசாக்கும் உடற்பயிற்சி | Tamil Serial Today Org

உடலையும் மனதையும் லேசாக்கும் உடற்பயிற்சி

Loading...

உடலையும் மனதையும் லேசாக்கும் உடற்பயிற்சிதினம் தினம் உடலில் சேரும் கலோரியை, ஒரு மணி நேரம் முறையான உடற்பயிற்சி செய்வதால் குறைக்க முடியும். உடற்பயிற்சி புத்துணர்ச்சியைத் தரும். மூளை செயல்பாட்டுக்கு உதவும். நரம்பு மண்டலத்தைச் சீராக வைத்திருக்க உதவும்.

உடல் பருமன் பிரச்சனை கடந்த 40 ஆண்டுகளில் உலக அளவில் இருமடங்காக ஆகியிருக்கிறது. உடல் பருமனைக் குறைக்க சிறந்த வழி தொடர்ந்து உடற்பயிற்சி செய்வதுதான்! ஒருமணி நேரம் நீந்தினால் 650 கலோரி குறையும்.

இதில், நடைப்பயிற்சியில் கிடைப்பதைவிட பலன் அதிகம். நீச்சல், உடலிலுள்ள எல்லா தசைக்கும் வேலை கொடுக்கிறது. இதயத்துக்கும் நுரையீரலுக்கும் வலு சேர்க்கிறது. மன அழுத்தத்தைக் குறைக்கிறது. எந்த வயதினரும் நீச்சல் அடிக்கலாம். தொடர்ந்து உடற்பயிற்சி செய்தால் இதய நோய்கள் ஏற்படாது;

ரத்த அழுத்தம் அதிகமாகாமல் சீராக இருக்கும். கொழுப்பு கூடாது. நீரிழிவு எட்டிப் பார்க்காது. சில புற்றுநோய்களிலிருந்தும் நிவாரணம் பெறலாம். பக்கவாதம் ஏற்படும் வாய்ப்பு குறையும். ‘தினமும் குறைந்தபட்சம் 30 நிமிடங்கள் உடற்பயிற்சி செய்ய வேண்டும்’ என்கிறது உலக சுகாதார நிறுவனம்.

‘இந்த அளவு உடற்பயிற்சியே உங்கள் ஆயுளை 3 ஆண்டுகள் அதிகரித்துவிடும்’ என்கிறார்கள் மருத்துவர்கள். தினமும் 30 நிமிடம் உடற்பயிற்சி என வாரத்தில் 5 நாட்கள் பயிற்சி செய்தால் போதுமானது. ஜிம்முக்கு சென்று தான் பயிற்சி செய்ய வேண்டும் என்பதில்லை. வீட்டில் இருந்தபடியே சில எளிய பயிற்சிகளை செய்து வரலாம் அல்லது நடைபயிற்சியை மேற்கொள்ளலாம்.

Loading...
Rates : 0
VTST BN
ads