பிட்ஸா தோசை

Loading...

பிட்ஸா தோசை
தேவையான பொருட்கள் :

தோசை மாவு – ஒரு கப்
முட்டை – ஒன்று
பெரிய வெங்காயம் – ஒன்று
தக்காளி – ஒன்று
மிளகு, சீரகத் தூள் – ஒரு தேக்கரண்டி
கொத்தமல்லி தழை – 2 கொத்து
பச்சை மிளகாய் – ஒன்று
கறிவேப்பிலை – ஒரு கொத்து
உப்பு – 2 சிட்டிகை
எண்ணெய் – 2 தேக்கரண்டி


செய்முறை :

பெரிய வெங்காயத்தை தோல் உரித்து நீளவாக்கில் மெல்லியதாக நறுக்கிக் கொள்ளவும்.

தக்காளியை நீளவாக்கில் நறுக்கிக் கொள்ளவும். பச்சை மிளகாய், கொத்தமல்லி, கறிவேப்பிலை மூன்றையும் பொடியாக நறுக்கிக் கொள்ளவும்.
தோசைக்கல்லில் எண்ணெய் தடவி இரண்டு கரண்டி மாவை ஊற்றி சற்று தடிமனாக ஊத்தாப்பம் போல் ஊற்றவும்.

பிறகு அதில் முட்டையை உடைத்து ஊற்றி மேலே மிளகு, சீரகத் தூள், உப்பு, தூவவும்.

அதன் மேல் நறுக்கிய வெங்காயம், தக்காளி, பச்சை மிளகாய், கறிவேப்பிலை, கொத்தமல்லி தூவி வேக விடவும்.

மேலும் சிறிது எண்ணெய் ஊற்றி திருப்பி போட்டு வெந்ததும் எடுத்து பரிமாறவும்.

சுவையான பிட்ஸா தோசை தயார்….!

Loading...
Rates : 0
VTST BN