வார ராசி பலன் 18-2-2016 முதல் 24-2-2016

Loading...

வார ராசி பலன் 18-2-2016 முதல் 24-2-2016


மேஷ ராசி வாசகர்களே

உங்கள் ராசிக்கு 5-ல் குருவும், 10-ல் புதனும், 11-ல் சூரியனும் கேதுவும் உலவுவது சிறப்பு. வாழ்வில் முன்னேற்றம் காண நல்ல தகவல் வந்து சேரும். உடன்பிறந்தவர்கள் உதவுவார்கள். தாய் நலம் சீராகும். பிள்ளைகளால் ஓரிரு எண்னங்கள் நிறைவேறும். பண வரவு திருப்தி தரும். திடீர் அதிர்ஷ்ட வாய்ப்புகள் கூடிவரும். அரசாங்கத்தாரால் எதிர்பார்த்திருந்த காரியம் நிறைவேறும்.
வியாபாரத்தில் வளர்ச்சி காண வழிபிறக்கும். புதிய பொருட்கள் சேரும். 7-ல் செவ்வாயும், 10-ல் சுக்கிரனும் இருப்பதால் கணவன் மனைவி இடையே சிறுசிறு சச்சரவுகள் ஏற்படும். சனி 8-ல் இருப்பதால் அதிகம் உழைக்க வேண்டிவரும். செய்து வரும் தொழிலில் முழுக்கவனம் செலுத்துவது நல்லது.
அதிர்ஷ்டமான தேதிகள்: பிப்ரவரி 19, 22, 24.
திசைகள்: வடமேற்கு, கிழக்கு, வடக்கு, வடகிழக்கு.
நிறங்கள்: மெரூன், ஆரஞ்சு, பொன் நிறம், பச்சை.
எண்கள்: 1, 3, 5, 7. ‎
பரிகாரம்: அஷ்டமச் சனிக்கு அர்ச்சனை செய்வது நல்லது. நல்லெண்ணெய் தீபமேற்றி வழிபடுவது சிறப்பு.

ரிஷப ராசி வாசகர்களே

உங்கள் ராசிக்கு 6-ல் செவ்வாயும் 9-ல் சுக்கிரனும், 10-ல் சூரியனும் கேதுவும் உலவுவது நல்லது. குடும்பத்தில் சுப காரியங்கள் நிகழும். பேச்சில் திறமை கூடும். நல்ல தகவல் வந்து சேரும். உடன்பிறந்தவர்கள் உதவி புரிவார்கள். புதிய பதவி, பட்டங்கள் கிடைக்கும். நிலம், மனை, வீடு, வாகனம் போன்ற சொத்துக்களின் சேர்க்கையோ, அவற்றால் ஆதாயமோ பெறுவீர்கள். அரசியல் ஈடுபாடு ஆக்கம் தரும்.
ஆன்மிகப்பணிகளில் ஆர்வம் கூடும். எதிரிகள் அடங்குவார்கள். வழக்கில் நல்ல திருப்பம் ஏற்படும். போட்டிகளில் வெற்றி கிடைக்கும். இயந்திரப்பணிகளால் லாபம் கிடைக்கும். கலைத்துறையினருக்குச் செழிப்பான சூழ்நிலை நிலவிவரும். தொலைதூரத் தொடர்பு பயன்படும். புனிதப்பணிகளில் ஈடுபாடு கூடும். அலைச்சல் வீண்போகாது. நல்லவர்களின் தொடர்பு நலம் கூட்டும். கெட்டவர்களின் தொடர்புக்கு இடம் தரலாகாது.
அதிர்ஷ்டமான தேதிகள்: பிப்ரவரி 19, 22, 24.
திசைகள்: வடமேற்கு, வடக்கு, கிழக்கு, தெற்கு. தென்கிழக்கு.
நிறங்கள்: சிவப்பு, வெண்மை, பச்சை.
எண்கள்: 1, 5, 6, 7, 9.
பரிகாரம்: துர்கைக்கு நெய் விளக்கேற்றி வழிபடுவது நல்லது.

மிதுன ராசி வாசகர்களே

உங்கள் ராசிக்கு 3-ல் ராகுவும், 6-ல் சனியும், 8-ல் புதனும் சுக்கிரனும் உலவுவது விசேஷம். மதிப்பும் அந்தஸ்தும் உயரும். உடல் நலம் சீராகும். எதிர்பாராத பொருட்சேர்க்கை நிகழும். குடும்பத்தில் குதூகலம் நிறைந்திருக்கும். நல்லவர்கள் நலம் புரிவார்கள். முக்கியமான எண்ணங்கள் நிறைவேறும். பயணத்தால் அனுகூலம் உண்டாகும். புதியவர்களது நட்பு கிடைக்கும்.
ஏற்றுமதி-இறக்குமதி தொழில் லாபம் தரும். வியாபாரத்தில் வளர்ச்சி காணலாம். மாணவர்களது நிலை உயரும். பிள்ளைகளாலும் தந்தையாலும் சில இடர்பாடுகள் ஏற்படும். பொருளாதாரம் சம்பந்தமான காரியங்களில் விழிப்புத் தேவை. உத்தியோகஸ்தர்களுக்குப் பிரச்சினைகள் சூழும். பக்குவமாகச் சமாளிப்பது நல்லது. ஆசிரியர்களும், பேராசிரியர்களும் பொறுப்புடன் செயல்படுவது அவசியம்.
அதிர்ஷ்டமான தேதிகள்: பிப்ரவரி 19, 22, 24.
திசைகள்: தென்மேற்கு, மேற்கு, வடக்கு, தென்கிழக்கு.
நிறங்கள்: நீலம், கறுப்பு, பச்சை, வெண்மை.
எண்கள்: 4, 5, 6, 8.
பரிகாரம்: குருப் பிரீதி செய்து கொள்வது நல்லது.

கடக ராசி வாசகர்களே

கோசாரப்படி குரு ஒருவரே அனுகூலமாக உலவுகிறார். இதர கிரகங்களின் சஞ்சாரம் சிறப்பாக, இல்லாததால் சில இடர்பாடுகள், குறுக்கீடுகள், தடைகள் ஏற்படவே செய்யும். செலவுகள் அதிகரிக்கும். இடமாற்றம் உண்டாகும். கணவன் மனைவி இடையே சலசலப்புக்கள் ஏற்படும். தந்தை நலனில் கவனம் செலுத்த வேண்டிவரு6ம். அலைச்சல் அதிகரிக்கும். உஷ்ணாதிக்கம் கூடும்.
பிள்ளைகளின் நடத்தையில் கவனம் தேவை. கண், இதயம் சம்பதமான உபாதைகள் சிலருக்கு ஏற்படும். வாரப் பின்பகுதியில் பண வரவு சற்று அதிகரிக்கும். குடும்பத்தில் பிரச்சினைகள் குறையும். நல்லவர்களின் தொடர்பு நலம் சேர்க்கும். உத்தியோகஸ்தர்கள், ஆசிரியர்கள், ஆன்மிகவாதிகள் ஓரளவு வளர்ச்சி காண்பார்கள். அரசியல், நிர்வாகம், வியாபாரம், எழுத்து, பத்திரிகை போன்ற துறைகளைச் சேர்ந்தவர்கள் வளர்ச்சி காண அரும்பாடுபட வேண்டிவரும்.
அதிர்ஷ்டமான தேதிகள்: பிப்ரவரி 22, 24.
திசை: வடகிழக்கு.
நிறங்கள்: பொன் நிறம், தாமரை நிறம்.
எண்: 3.
பரிகாரம்: கோளறு திருப்பதிகம் வாசிப்பது நல்லது.

சிம்ம ராசி வாசகர்களே

செவ்வாய் 3—லும், புதன் 6-லும் உலவுவது நல்லது. துணிச்சலான காரியங்களில் ஈடுபட்டு வெற்றி பெறுவீர்கள். உடன்பிறந்தவர்களால் நலம் உண்டாகும். போட்டி, பந்தயங்கள், விளையாட்டுகளில் வெற்றி கிடைக்கும். எதிர்ப்புகள் குறையும். இயந்திரங்கள், எரிபொருட்கள், மின் சாதனங்கள், செந்நிறப்பொருட்கள், நிலபுலங்கள் ஆகியவை லாபம் தரும். வியாபாரிகளுக்கு ஆதாயம் அதிகமாகும்.
எழுத்தாளர்கள், பத்திரிகையாளர்களுக்கு வரவேற்பு கூடும். நண்பர்கள், உறவினர்களால் அனுகூலம் ஏற்படும். சிக்கன நடவடிக்கை தேவை. வீண் அலைச்சலைத் தவிர்ப்பது நல்லது. கலைஞர்கள், பெண்களுக்குப் பிரச்சினைகள் சூழும். கூட்டுத் தொழிலில் கவனம் தேவை. புதியவர்களை நம்பி ஏமாற வேண்டாம். ஆண்களுக்குப் பெண்களால் சங்கடம் ஏற்படும். கணவன் மனைவி இடையே வாக்குவாதங்கள் அதிகமாகும். சகிப்புத் தன்மை தேவை.
அதிர்ஷ்டமான தேதிகள்: பிப்ரவரி 19, 22, 24.
திசைகள்: தெற்கு, வடக்கு.
நிறங்கள்: சிவப்பு, பச்சை.
எண்கள்: 5, 9.
பரிகாரம்: துர்கை, விநாயகரை வழிபடவும்.

கன்னி ராசி வாசகர்களே

உங்கள் ராசிக்கு 3-ல் சனியும், 5-ல் சுக்கிரனும், 6-ல் சூரியனும் கேதுவும் உலவுவதால் எடுத்த காரியத்தில் வெற்றி கிட்டும். ஒன்றுக்கும் அதிகமாக வருவாய் வந்து சேரும். பிள்ளை நலம் திருப்தி தரும். பிள்ளை நலனுக்காகச் சுபச் செலவு செய்வீர்கள். கலைத்துறையினருக்கு வெற்றி வாய்ப்புகள் கூடும். பெண்களின் எண்ணம் ஈடேறும். புதிய ஆடை, அணிமணிகளின் சேர்க்கை நிகழும்.
பொதுப்பணியாளர்கள் புகழ் பெறுவார்கள். அரசாங்கத்தாரால் அனுகூலம் உண்டாகும். பக்தி மார்க்கத்திலும் ஞான மார்க்கத்திலும் ஈடுபாடு கூடும். அதனால் மனதில் தெளிவும் பிறக்கும். வாரப் பின்பகுதியில் செலவுகள் சற்று அதிகரிக்கும். இடமாற்றம் உண்டாகும். பயணத்தால் சிறு சங்கடம் ஏற்படும். அக்கம் பக்கத்தில் உள்ளவர்களிடம் சுமுகமாகப் பேசிப் பழகுவது நல்லது. வீண் சண்டை, சச்சரவுகளைத் தவிர்க்கவும்.
அதிர்ஷ்டமான தேதிகள்: பிப்ரவரி 19, 22.
திசைகள்: தென்கிழக்கு, மேற்கு, வடக்கு, வடமேற்கு.
நிறங்கள்: வெண்மை, நீலம், பச்சை, மெரூன்.
எண்கள்: 1, 5, 6, 7, 8.
பரிகாரம்: ராகு, குருவுக்கு அர்ச்சனை செய்வது நல்லது.

துலாம் ராசி வாசகர்களே

புதன், குரு, சுக்கிரன், ராகுவின் சஞ்சாரம் சிறப்பாக இருப்பதால் புனிதமான காரியங்களில் ஈடுபாடு உண்டாகும். தொலைதூரத் தொடர்பு பயன்படும். வியாபாரத்தில் வளர்ச்சி காண வாய்ப்புக் கூடிவரும். கணிதம், எழுத்து, பத்திரிகை, சிற்பம், ஓவியம், தரகு போன்ற தொழில் லாபம் தரும். பிள்ளைகளால் அனுகூலம் உண்டாகும். கலைத்துறையினருக்கு வெற்றி வாய்ப்புகள் கூடும்.
புதிய பதவிகள் சிலருக்கு கிடைக்கும். சுப காரியங்கள் நிகழும். பயணத்தால் முக்கியமானதொரு எண்ணம் ஈடேறும். பொருளாதார நிலை உயரும். சுகானுபவம் உண்டாகும். கேளிக்கை, உல்லாசங்களில் ஈடுபாடு கூடும். தெய்வப் பிரார்த்தனைகளை நிறைவேற்றிக் கொள்ளச் சந்தர்ப்பம் கூடிவரும். சாதுகள், மகான்கள், சித்தர்களின் ஆசி கிடைக்கும். பிள்ளைகளால் சிறு சங்கடம் ஏற்பட்டு விலகும்.
அதிர்ஷ்டமான தேதிகள்: பிப்ரவரி 19, 22.
திசைகள்: வடக்கு, தென்கிழக்கு, வடகிழக்கு, தென்மேற்கு.
நிறங்கள்: இள நீலம், பச்சை, வெண்மை, சாம்பல் நிறம்.
எண்கள்: 3, 4, 5, 6.
பரிகாரம்: விநாயகரை வழிபடுவது நல்லது.

விருச்சிக ராசி வாசகர்களே

உங்கள் ராசிக்கு 3-ல் சுக்கிரனும் , 10-ல் ராகுவும் உலவுவதால் கலைஞானம் வெளிப்படும். பயணத்தால் அனுகூலம் உண்டாகும். வாகனங்களால் ஆதாயம் கிடைக்கும். கணவன் மனைவி உறவு நிலை திருப்தி தரும். உடன்பிறந்த சகோதரிகள் ஓரளவு உதவுவார்கள். புனிதமான காரியங்களில் ஈஉபாடு உண்டாகும். கடல் வாணிபம் லாபம் தரும். வாரப் பின்பகுதியில் பண வரவு சற்று கூடும்.
புதிய பதவி, பட்டங்கள் சிலருக்குக் கிடைக்கும். நண்பர்கள், உறவினர்களால் நல்லதும் அல்லாததுமான பலன்கள் கலந்தவாறு ஏற்படும். ஜன்ம ராசியில் சனியும், 12-ல் செவ்வாயும் 4-ல் கேதுவும் உலவுவதால் உடல் நலம் பாதிக்கும். மருத்துவச் செலவுகள் கூடும். பெற்றோர் நலனிலும் சகோதர நலனிலும்கூட அக்கறை தேவை. வேலைப்பளு கூடும். வியாபாரிகள் விழிப்புடன் இருப்பது நல்லது.
அதிர்ஷ்டமான தேதிகள்: பிப்ரவரி 22, 24.
திசைகள்: தென்மேற்கு, தென்கிழக்கு.
நிறங்கள்: வெண்சாம்பல் நிறம், இளநீலம்.
எண்கள்: 4, 6.
பரிகாரம்: சுப்பிரமணிய புஜங்கம் வாசிப்பதும் கேட்பதும் நல்லது.

தனுசு ராசி வாசகர்களே

உங்கள் ராசிக்கு 2-ல் புதனும் சுக்கிரனும், 3-ல் சூரியனும் கேதுவும், 9-ல் குருவும், 11-ல் செவ்வாயும் சஞ்சரிப்பது சிறப்பு. குடும்பத்தில் குதூகலம் கூடும். விருந்து, உபசாரங்களில் கலந்து கொண்டு மனம் மகிழ்வீர்கள். பேச்சில் இனிமையும் திறமையும் கூடும். கணவனால் மனைவிக்கும் மனைவியால் கணவனுக்கும் அனுகூலம் ஏற்படும். கூட்டுத் தொழில் லாபம் தரும். புதிய கூட்டாளிகள் இணைவார்கள். பிறரிடம் சுமுகமாகப் பழகி, அவர்களது நல்லெண்ணங்களுக்குப் பாத்திரமாவீர்கள்.
திடீர் அதிர்ஷ்ட வாய்ப்புகள் கூடிவரும். அரசாங்கத்தாரால் அனுகூலம் உண்டாகும். நிர்வாகத்திறமை கூடும். மருத்துவர்கள் புகழ் பெறுவார்கள். தொலைதூரத் தொடர்பு ஆக்கம் தரும். மனதில் துணிவு கூடும். தன்னம்பிக்கை அதிகமாகும். இயந்திரப்பணிகள் லாபம் தரும். 12-ல் சனி உலவுவதை மறக்கலாகாது. வீண் செலவுகளைத் தவிர்ப்பது அவசியம்.
அதிர்ஷ்டமான தேதிகள்: பிப்ரவரி 19 (பகல்), 22, 24.
திசைகள்: தெற்கு, தென்கிழக்கு, வடக்கு, கிழக்கு, வடமேற்கு.
நிறங்கள்: சிவப்பு, வெண்மை, மெரூன், ஆரஞ்சு, பச்சை.
எண்கள்: 1, 3, 5, 6, 7. 9.
பரிகாரம்: மாற்றுத் திறனாளிகளுக்கு உதவுவது நல்லது. சனிக்கு நல்லெண்ணெய் தீபம் ஏற்றி வழிபடவும்.

மகர ராசி வாசகர்களே

உங்கள் ராசியில் சுக்கிரனும், 10-ல் செவ்வாயும், 11-ல் சனியும் உலவுவது சிறப்பு. எதிர்ப்புகளை வெல்லும் சக்தி பிறக்கும். வழக்கில் நல்ல திருப்பமும் தீர்ப்பும் கிடைக்கும். இயந்திரப்பணிகள் லாபம் தரும். கலைஞர்களுக்கு வரவேற்பு கூடும். பெண்களின் எண்ணம் நிறைவேறும். கணவன் மனைவி உறவு நிலை திருப்தி தரும். கூட்டுத் தொழிலில் வளர்ச்சி காணலாம்.
பெண்களுக்கு அனுகூலமான போக்கு தென்படும். அந்தஸ்தும் மதிப்பும் உயரும். பிறரால் புகழப்படுவீர்கள். பிரச்சினைகள் எளிதில் தீரும். வாரப்பின்பகுதியில் சிறு சங்கடம் ஏற்படும். பிள்ளைகள் நலனில் கவனம் தேவை. பயணத்தின்போது விழிப்புடன் இருக்கவும். புதியவர்களை நம்பி ஏமாற வேண்டாம். வீண் செலவுகளைத் தவிர்ப்பது நல்லது.
அதிர்ஷ்டமான தேதிகள்: பிப்ரவரி 19, 24.
திசைகள்: மேற்கு, தென்கிழக்கு, தெற்கு.
நிறங்கள்: நீலம், சிவப்பு, வெண்மை.
எண்கள்: 6, 8, 9.
பரிகாரம்: குரு, ராகு, கேதுவுக்குப் பிரீதி செய்து கொள்ளவும்.

கும்ப ராசி வாசகர்களே

உங்கள் ராசிக்கு 7-ல் குருவும், 10-ல் சனியும், 12-ல் சுக்கிரனும் உலவுவது நல்லது. மதிப்பும் அந்தஸ்தும் உயரும். பண வரவு அதிகமாகும். கொடுக்கல்-வாங்கல் ஒழுங்காகும். எதிர்ப்புகள் குறையும். உழைப்பு வீண்போகாது. புத்திசாலித்தனம் வெளிப்படும். நல்லவர்கள் உதவிக்கரம் நீட்டுவார்கள். திருமனம் போன்ற சுப காரியங்கள் நிகழும். புதிய ஆடை, அணிமணிகளின் சேர்க்கையைப் பெறுவீர்கள்.
அலங்காரப் பொருட்களும் சேரும். முக்கியஸ்தர்களும் மேலதிகாரிகளும் பாராட்டுவார்கள். ஜன்ம ராசியில் சூரியனும் கேதுவும் இருப்பதால் உஷ்ணாதிக்கம் சற்று அதிகரிக்கும். புதன் பலம் குறைந்திருப்பதால் வியாபாரிகள் விழிப்புடன் செயல்பட்டால் சங்கடங்களுக்கு ஆளாகாமல் தப்பலாம். மாணவர்கள் படிப்பில் அதிக அக்கறை செலுத்துவது நல்லது.
அதிர்ஷ்டமான தேதிகள்: பிப்ரவரி 19, 22.
திசைகள்: மேற்கு, தென்கிழக்கு, வடகிழக்கு.
நிறங்கள்: நீலம், பொன் நிறம்.
எண்கள்: 3, 6, 8.
பரிகாரம்: சூரியன், ராகு, கேதுவுக்கு அர்ச்சனை செய்வது நல்லது. திருமாலை வழிபடவும்.

மீன ராசி வாசகர்களே

உங்கள் ராசிக்கு 6-ல் ராகுவும், 11-ல் புதனும் சுக்கிரனும் உலவுவதால் நண்பர்களும் உறவினர்களும் உதவ முன்வருவார்கள். செய்து வரும் தொழிலில் சீரான வளர்ச்சியைக் காணலாம். வியாபாரிகளுக்கு லாபம் கூடும். மாணவர்களது திறமை வெளிப்படும். கலைத்துறையினருக்கு வரவேற்பு அதிகரிக்கும். பெண்களின் எண்ணம் ஈடேறும். பிள்ளைகளால் அளவோடு நலம் உண்டாகும்.
பயணத்தால் அனுகூலம் உண்டாகும். சூரியன், செவ்வாய், குரு அனுகூலமாக உலவுவதால் அரசுப்பணிகளில் விழிப்புத் தேவை. அரசு அபராதம் கட்ட வேண்டிவரும். எக்காரியத்திலும் பதற்றப்படாமல் நிதானமாக யோசித்து ஈடுபடுவது நல்லது. பொருளாதாரம் சம்பந்தமான காரியங்களில் எச்சரிக்கை தேவை. உடல் நலனில் கவனம் தேவை.
அதிர்ஷ்ட தேதிகள்: பிப்ரவரி 19, 22, 24.
திசைகள்: வடக்கு, தென்கிழக்கு, தென்மேற்கு.
நிறங்கள்: வெண்மை, பச்சை, இளநீலம், புகை நிறம்.
எண்கள்: 4, 5. 6.
பரிகாரம்: குரு, தட்சிணாமூர்த்தியை வழிபடுவது நல்லது. ஆராதனைகள் செய்வது நல்லது.

Rates : 0
.
Loading...
VTST BN
Loading...

Leave a Reply