கோதுமை மாவு முறுக்கு | Tamil Serial Today Org

கோதுமை மாவு முறுக்கு

கோதுமை மாவு முறுக்கு

தேவையானவை:

கோதுமை மாவு – 1 கப்
மிளகாய்த்தூள் – முக்கால் டீஸ்பூன்
வெண்ணெய் – 1 டீஸ்பூன்
காய்ச்சிய சூடான எண்ணெய் – 2 டீஸ்பூன்
உப்பு – தேவையான அளவு
பெருங்காயத்தூள் – 2 சிட்டிகை
எள் – 2 சிட்டிகை
சீரகம் 2 சிட்டிகை
எண்ணெய் – பொரிக்கத்தேவையான அளவு


செய்முறை:

கோதுமை மாவை ஒரு மெல்லிய துணியில் கட்டி, ஆவியில் 15 நிமிடம் வேக விடவும். குக்கரில் வைத்தால் வெயிட் போட வேண்டாம். மாவை ஆவியில் இருந்து எடுத்து ஆறியவுடன் நன்கு சலித்துக் கொள்ளவும். அகலமான ஒரு பாத்திரத்தில், வெந்த கோதுமை மாவு, மிளகாய்த்தூள், வெண்ணெய், உப்பு, பெருங்காயத்தூள், எள், சீரகம் சேர்த்து நன்கு கலக்கவும். இதில் காய்ச்சிய சூடான எண்ணெய் சேர்த்துக் கிளறி, தேவையான தண்ணீர் தெளித்து மிருதுவான மாவாகப் பிசையவும். மாவை முறுக்கு அச்சில் விட்டு வாணலியில் எண்ணெயைச் சூடாக்கிப் பிழியவும். மாவு இரு புறமும் வெந்தவுடன், எண்ணெயில் இருந்து எடுக்கவும். இந்த முறுக்கு வேக சற்று நேரம் எடுக்கும். மிதமான தீயில் வைத்துப் பொரிக்கவும். மற்ற முறுக்கு வகைகளை விட இது சிறிது அதிகம் எண்ணெய் இழுக்கும்.


குறிப்பு:
ஆவியில் வேகும் போது மாவில் சிறு தண்ணீர் கூட படக்கூடாது. கோதுமைக்கு பதில் மைதா மாவிலும் இந்த முறுக்கைச் செய்யலாம்.

Loading...
Rates : 0
VTST BN