டாங்டி கபாப் | Tamil Serial Today Org

டாங்டி கபாப்

Loading...

டாங்டி கபாப்சிக்கன் ட்ரம்ஸ்டிக்ஸ் – 8
எலுமிச்சை சாறு – ஒரு மேசைக்கரண்டி
இஞ்சி – ஒரு அங்குலத் துண்டு
பூண்டு – 6 பல்
பச்சை மிளகாய் – 4
தயிர் – ஒரு கப்
கடலை மாவு – 2 மேசைக்கரண்டி
மஞ்சள்தூள் – ஒரு மேசைக்கரண்டி
கரம் மசாலாத்தூள் – ஒரு தேக்கரண்டி
மிளகாய்த்தூள் – ஒரு தேக்கரண்டி
சாட் மசாலாத்தூள் – ஒரு தேக்கரண்டி
உப்பு – தேவையான அளவு

கோழியின் தொடைப் பகுதி இல்லாத கால் துண்டங்கள்தான் ட்ரம்ஸ்டிக்ஸ் என்றழைக்கப்படுகின்றது. ஒரு முனையில் சதைப் பகுதி உருண்டையாய் குவிந்த நிலையிலும், மறுமுனையில் மூட்டு இணைப்பு எலும்புமாக பார்பதற்கு ட்ரம்ஸ் வாசிக்க உதவும் குச்சியினைப் போன்று இருக்கும்.
கால் துண்டங்களை நன்கு கழுவி, கொழுப்புகளையும், மேல் உள்ள தேவையற்ற தோலையும் நீக்கி விடவும்.
சுத்தம் செய்த துண்டங்களை நன்கு துடைத்து, நீர் இல்லாமல் செய்து, அதன் மேல் கத்தி கொண்டு இரண்டு மூன்று வெட்டுகள் உருவாக்கிக் கொள்ளவும். அவற்றை எலுமிச்சை சாற்றில் நன்கு பிரட்டி, ஊற விடவும்.
இஞ்சி, பூண்டு தோலுரித்து விழுதாக அரைத்துக் கொள்ளவும். மிளகாயின் தண்டுபாகத்தினை நீக்கி, பொடியாக நறுக்கிக் கொள்ளவும்.
ஒரு மெல்லிய (மஸ்லின்) துணியில் தயிரினைக் கட்டித் தொங்க விட்டு, அதில் உள்ள அதிகப்படியான நீரையெல்லாம் வடித்துவிடவும்.
கடலை மாவினை குறைந்த தீயில் ஒரு அடிப்பிடிக்காத வாணலியில் இட்டு, தொடர்ச்சியாக கிளறிய வண்ணம் வறுத்துக் கொள்ளவும்.
பிறகு அதனை எடுத்து ஆறவிட்டு, தயிர், இஞ்சி பூண்டு விழுது, மஞ்சள் தூள், கரம் மசாலாத் தூள், மிளகாய்த் தூள், உப்பு மற்றும் நறுக்கின பச்சை மிளகாய் ஆகியவற்றுடன் சேர்த்து நன்கு கலக்கவும்.
இந்த கலவையை கோழியின் கால்துண்டங்கள் மீது நன்கு பூசி, சுமார் இரண்டு மணி நேரங்கள் குளிர்சாதனப் பெட்டியில் வைத்து ஊற விடவும்.
பிறகு எடுத்து, தந்தூரி அடுப்பில், மிதமான சூட்டில், அனைத்துப் பக்கங்களும் ஒரே அளவில் வேகுமாறு தணலில் சுட்டெடுக்கவும்.
இதையே 220 டிகிரி C க்கு சூடேற்றப்பட்ட ஓவனில் சுமார் ஐந்து நிமிடங்கள் வைத்து வேகவிட்டு, பிறகு ஓவனின் வெப்பநிலையை 180 டிகிரி C க்கு குறைத்து மேலும் 15 நிமிடங்கள் வேகவிட்டு எடுக்கவும்.
எல்லாப்புறமும் நன்கு வெந்துள்ளதா என்று பார்த்து, சாட் மசாலாத்தூள் தூவிப் பரிமாறவும்.

Loading...
Rates : 0
VTST BN