சுவையான மீன் சூப்

Loading...

சுவையான மீன் சூப்தேவையான பொருட்கள்

:

வஞ்சிரம் மீன் – 1/4 கிலோ

எலுமிச்சை பழம் – 1

தக்காளி – 1

மிளகு – 2 டீஸ்பூன்

சீரகம் – 1 டீஸ்பூன்

பூண்டு – 10 பல்

மஞ்சள் பொடி – 1/2 டீஸ்பூன்

மிளகாய் வற்றல் – 4

எண்ணெய் – 2 டீஸ்பூன்

உப்பு – தேவையான அளவு

கடுகு – 1/2 டீஸ்பூன்

கொத்தமல்லி – சிறிது

செய்முறை

:

• மீனை நன்றாகக் கழுவி சற்று பெரிய துண்டங்களாகப் போடவும்.

• மிளகு, சீரகம், பூண்டை தட்டிக் கொள்ளவும்.

• தக்காளியை பொடியாக நறுக்கிக் கொள்ளவும்.

• 4 கப் நீரில் எலுமிச்சை பழத்தை பிழிந்து இதில் தட்டிய மிளகு, சீரகம், பூண்டு, நறுக்கிய தக்காளி, உப்பு, மஞ்சள் பொடி சேர்த்து நன்றாக கொதிக்க விடவும்.

• நுரை வருவதற்கு சற்று முன்பாக மீன் துண்டங்களை சேர்க்கவும்.

• இரண்டு நிமிடத்தில் மீன் வெந்து மேலே மிதக்கும்.

• உடனே அடுப்பை அணைக்கவும். இல்லையென்றால் மீன் கரைந்து விடும்.

• எண்ணெயில் மிளகாய் வற்றலை சிறிது இடித்துச் சேர்த்து கடுகு தாளித்து சூப்பில் ஊற்றி கொத்தமல்லி தூவி பரிமாறவும்.

• சுவையான மீன் சூப் ரெடி.

• எலுமிச்சை பழத்திற்கு பதிலாக புளியை பயன்படுத்தலாம்.

Loading...
Rates : 0
Loading...
VTST BN