நெல்லிக்காய் ஊறுகாய்

Loading...

நெல்லிக்காய் ஊறுகாய்அரை நெல்லிக்காய் – 10
மிளகாய் வற்றல் – 8
கடுகு – அரை தேக்கரண்டி
வெந்தயம் – ஒரு தேக்கரண்டி
பெருங்காயம் – குண்டு மணி அளவு
உப்பு – ஒன்றரை தேக்கரண்டி
நல்லெண்ணெய் – கால் கப்
கறிவேப்பிலை – 2 கொத்து
மஞ்சள் தூள் – 2 சிட்டிகை

நெல்லிக்காயை இட்லி பானை தட்டில் வைத்து 5 நிமிடம் ஆவியில் வேக விடவும். வெந்ததும் நெல்லிக்காயில் உள்ள கொட்டைகளை நீக்கி உரித்து விடவும்.

வெறும் வாணலியில் மிளகாய் வற்றல், வெந்தயம், பெருங்காயம், கடுகு ஆகியவற்றை போட்டு 3 நிமிடம் இளம் சிவப்பாக வறுத்து எடுத்துக் கொள்ளவும்.

வறுத்த பொருட்களை ஆறவிட்டு மிக்ஸியில் போட்டு பொடி செய்துக் கொள்ளவும்.

பிறகு வாணலியில் எண்ணெய் ஊற்றி காய்ந்ததும் கறிவேப்பிலை, பொடித்த மிளகாய் பொடி சேர்க்கவும்.

அதில் வேக வைத்த நெல்லிக்காயை போட்டு 5 நிமிடம் எண்ணெய்யில் கொதிக்க விடவும்.

பிறகு மஞ்சள் தூள், உப்பு போட்டு நன்கு கிளறி விடவும். 2 நிமிடம் கழித்து இறக்கி விடவும்.

சுவையான நெல்லிக்காய் ஊறுகாய் தயார்.

Loading...
Rates : 0
VTST BN